1982 йилги жаҳон чемпиони ва "Интер"нинг собиқ футболчиси Жузеппе Бергоми Чемпионлар лигаси умумий босқичининг 1-турида "Реал"га қарши ўйиндан нималар кутаётганини айтди.
"Интер" жасорат кўрсатишига умид қиламан. Агар майдонга фақат ҳимояланиш учун чиқсак, ҳеч қандай имкониятимиз бўлмайди.
"Бернабеу"га келиб, ўйинда тўлиқ устунлик қиламан, деб ўйлаш амалга ошмайдиган орзу. Аммо мақсадимиз жанговор руҳ ва жасорат кўрсатиш, шунингдек, рақибнинг айрим муҳим футболчилари йўқ бўлган марказий ҳудудда назоратни қўлга олишга ҳаракат қилиш бўлиши керак.
Биз қандай рақибга қарши ўйнашимизни жуда яхши биламиз. Аммо агрессив ва жасур "Интер" уларга муносиб қаршилик кўрсата олади, деб ўйлайман.
Моуринью ўйиннинг айрим жиҳатларини ўзгартирмоқда ва ҳимояда кучли, ҳужумда қатъиятли жамоа қурмоқда. Лекин барибир "Реал"ни мағлуб этиш мумкин", — дея Бергомининг сўзларини AS келтирди.
"Реал" ва "Интер" ўртасидаги учрашув 8 сентябрь куни Мадриддаги "Сантьяго Бернабеу" стадионида бўлиб ўтади.
