«Manchester Yunayted» qishki transfer oynasida Nunu Mendeshni sotib olish imkoniyati yuzasidan «PSJ» bilan aloqaga chiqqan.
Stretford End Times ma’lumotiga ko‘ra, ingliz klubi portugaliyalik chap qanot himoyachisini o‘z safiga qo‘shib olishga jiddiy qiziqish bildirmoqda.
Manba ta’kidlashicha, Nunu Mendeshning o‘zi ham yanvar oyidayoq «Manchester Yunayted»ga o‘tish variantiga qarshi emas. Futbolchi «qizil iblislar» safida o‘ynash va Angliya Premyer-ligasida o‘zini sinab ko‘rishni istamoqda.
Endi asosiy masala «Manchester Yunayted» mavsum o‘rtasida «PSJ»ni himoyachisi bilan xayrlashishga ko‘ndira oladimi-yo‘qmi, shunda. Parij klubi ehtimoliy transfer shartlari bo‘yicha o‘z pozisiyasini belgilab olishi kerak bo‘ladi.
