«Манчестер Юнайтед» қишки трансфер ойнасида Нуну Мендешни сотиб олиш имконияти юзасидан «ПСЖ» билан алоқага чиққан.
Stretford End Times маълумотига кўра, инглиз клуби португалиялик чап қанот ҳимоячисини ўз сафига қўшиб олишга жиддий қизиқиш билдирмоқда.
Манба таъкидлашича, Нуну Мендешнинг ўзи ҳам январь ойидаёқ «Манчестер Юнайтед»га ўтиш вариантига қарши эмас. Футболчи «қизил иблислар» сафида ўйнаш ва Англия Премьер-лигасида ўзини синаб кўришни истамоқда.
Энди асосий масала «Манчестер Юнайтед» мавсум ўртасида «ПСЖ»ни ҳимоячиси билан хайрлашишга кўндира оладими-йўқми, шунда. Париж клуби эҳтимолий трансфер шартлари бўйича ўз позициясини белгилаб олиши керак бўлади.
