«Manchester Siti» yarim himoyachisi Enso Fernandes Chempionlar ligasi umumiy bosqichi 1-turida «Portu» ustidan 2:0 hisobidagi g‘alabada dubl qayd etgan jamoadoshi Erling Xoland haqida fikr bildirdi.

47-daqiqada norvegiyalik hujumchi argentinalik futbolchining uzatmasidan so‘ng hisobni ochdi. 91-daqiqada esa Holand ikkinchi golini urdi. Bu safar Rayan Ait-Nuri assistentlik qildi.

«Xoland — hayvon, haqiqiy yirtqich. Maydonda birga bo‘lganimizda unga doim pas berishga harakat qilaman. U ajoyib futbolchi va ajoyib inson», — deya Fernandesning so‘zlarini The Touchline keltiradi.

«Chelsi»dan «Manchester Siti»ga o‘tgan Fernandes uchun bu «shaharliklar» safida Chempionlar ligasidagi ilk uchrashuv bo‘ldi.

Erling Xoland Chempionlar ligasida 59 ta o‘yinda 59 ta gol urgan. U musobaqa tarixidagi eng yaxshi to‘purarlar ro‘yxatida 7-o‘rinni egallab turibdi.