«Манчестер Сити» ярим ҳимоячиси Энцо Фернандес Чемпионлар лигаси умумий босқичи 1-турида «Порту» устидан 2:0 ҳисобидаги ғалабада дубль қайд этган жамоадоши Эрлинг Холанд ҳақида фикр билдирди.

47-дақиқада норвегиялик ҳужумчи аргентиналик футболчининг узатмасидан сўнг ҳисобни очди. 91-дақиқада эса Ҳоланд иккинчи голини урди. Бу сафар Райан Аит-Нури ассистентлик қилди.

«Холанд — ҳайвон, ҳақиқий йиртқич. Майдонда бирга бўлганимизда унга доим пас беришга ҳаракат қиламан. У ажойиб футболчи ва ажойиб инсон», — дея Фернандеснинг сўзларини The Touchline келтиради.

«Челси»дан «Манчестер Сити»га ўтган Фернандес учун бу «шаҳарликлар» сафида Чемпионлар лигасидаги илк учрашув бўлди.

Эрлинг Холанд Чемпионлар лигасида 59 та ўйинда 59 та гол урган. У мусобақа тарихидаги энг яхши тўпурарлар рўйхатида 7-ўринни эгаллаб турибди.