«Barselona»ning sobiq futbolchisi Ivan Rakitich kataloniyaliklar joriy mavsum Chempionlar ligasida g‘olib chiqishiga ishonch bildirdi.
«Menimcha, bu yil Chempionlar ligasida «Barselona»ning yili bo‘ladi. Jamoada yoshlik ham, sifat ham bor», — deya Rakitichning so‘zlarini The Touchline keltiradi.
«Barselona» so‘nggi bor Chempionlar ligasini 2015 yilda qo‘lga kiritgan. O‘sha yili Berlinda o‘tgan finalda kataloniyaliklar «Yuventus»ni 3:1 hisobida mag‘lub etgan edi. Ivan Rakitich uchrashuvda hisobni ochgan.
«Barselona» o‘z tarixida Chempionlar ligasi kubogini jami besh marta — 1992, 2006, 2009, 2011 va 2015 yillarda qo‘lga kiritgan.
O‘tgan mavsumda kataloniyaliklar Chempionlar ligasining chorak finaligacha yetib bordi va bu bosqichda «Atletiko»ga imkoniyatni boy berdi.
