Marokashlik vinger Hakim Ziyesh «Botafogo» klubiga o‘tdi. Braziliya jamoasi 33 yoshli futbolchi bilan 2028 yil o‘rtalariga qadar mo‘ljallangan shartnoma imzolanganini ma’lum qildi.
Ziyesh o‘tgan mavsumni Marokashning «Vidad» klubida o‘tkazdi. U barcha musobaqalarda 16 ta o‘yinda maydonga tushib, 9 ta gol urdi va 2 ta golli uzatmani amalga oshirdi.
Futbolchi faoliyati davomida «Ayaks», «Chelsi», «Galatasaray», «Tvente» va «Al-Duhayl» kabi klublarda ham to‘p tepgan. Ziyesh «Chelsi» safida 2020/21 yilgi Chempionlar ligasida g‘olib chiqqan.
