2023 yil iyul oyida, Djanluidji Donnarumma hali «PSJ» safida o‘ynagan paytda uning uyiga tungi paytda bosqinchilar bostirib kirgan edi. Darvozabon va o‘sha vaqtda homilador bo‘lgan rafiqasi Alessiya Elefante jinoyatchilar uyni talon-toroj qilayotganida bog‘langan holda, ojiz vaziyatda bir necha og‘ir daqiqani boshdan kechirgan.
Fransiya tergovchilari ishni o‘rganib, gumonlanuvchilarni aniqlagan. Endi Parijda mazkur jinoyatda ayblanayotgan ikki shaxs ustidan sud jarayoni boshlandi.
Derbyderbyderby.it xabar berishicha, gumonlanuvchilardan biri tergov jarayonida hatto o‘z joniga qasd qilishga uringan.
