Braziliyalik hujumchi Kayo Jorje hamon "Bavariya" qiziqishlari doirasida qolmoqda. Bu haqda jurnalist Ekrem Konur ijtimoiy tarmoqlarda xabar berdi.
Manbaga ko‘ra, Myunxen klubi "Kruzeyro" forvardining o‘yinlarini yaqindan kuzatish uchun o‘z skautlarini Braziliyaga yuborgan.
Joriy mavsumda Jorje mamlakat chempionatida 19 ta o‘yinda maydonga tushib, 7 ta gol urdi.
24 yoshli hujumchining "Kruzeyro" bilan shartnomasi 2030 yil dekabr oyi oxirigacha amal qiladi. Uning bozor qiymati 25 million yevroga baholanmoqda.
Kayo Jorje avval Yevropada "Yuventus" va "Frozinone" klublari sharafini himoya qilgan. Shuningdek, u Braziliya milliy terma jamoasi safida bir marta maydonga tushgan.
