«Bavariya» hujumchisi Xarri Keyn jamoadoshi Jamal Musialaning asosiy tarkibga qaytganidan xursand ekanini bildirdi.
Har ikki futbolchi Chempionlar ligasi umumiy bosqichining birinchi turida «Budyo-Glimt»ga qarshi 5:0 hisobida yakunlangan o‘yinda bittadan gol urdi. Shuningdek, Maykl Olise dubl qayd etdi, Alfonso Devis esa yana bir gol muallifi bo‘ldi.
«Jamal uchun juda xursandman. Mavsum boshida u qiyinchiliklarga duch keldi. Uning bosimdan xalos bo‘lib, yana tabassum qilayotganini ko‘rish juda yoqimli.
U muvaffaqiyatga erishishga juda chanqoq. Mashg‘ulotlarda o‘zini ajoyib ko‘rsatyapti va bu mehnati o‘yinda o‘z mukofotini oldi. U o‘zi bilan faxrlanishi kerak», — deya Keynning so‘zlarini Bayern & Germany keltirdi.
Avvalroq Jamal Musiala mavsumoldi tayyorgarlik doirasidagi ketma-ket ikki o‘yinda hushini yo‘qotgan, shundan so‘ng klub unga dam olish uchun vaqt bergan edi.
