«Real» bosh murabbiyi Joze Mourinyu La Liganing 5-turidan o‘rin olgan «Rayo Valyekano»ga qarshi uchrashuv oldidan jamoadagi kayfiyat haqida gapirdi.
«Biz baxtlimiz, jamoa birlashgan, yaxshi ishlayapmiz va tiklanyapmiz. Bugun raqibga yetarlicha e’tibor qaratgan holda taktik mashg‘ulot o‘tkazdik. Ular bu o‘yinga g‘alabadan keyin yetib kelmoqda.
Biz maksimal darajada konsentrasiyani saqlashimiz kerak. Benyatga men haqimda aytgan juda iliq so‘zlari uchun minnatdorlik bildirmoqchiman. Ertaga uni quchoqlash imkonim bo‘ladi», — deya Mourinyuning so‘zlarini Marca keltirdi.
Avvalroq «Rayo Valyekano» bosh murabbiyi Benyat San Xose Mourinyuni futbol tarixidagi eng yaxshi murabbiylardan biri deb atagan edi. U, shuningdek, «Real»ga qarshi o‘yin oldidan raqib tarkibidan bir kishini olib tashlash imkoni bo‘lsa, aynan portugaliyalik mutaxassisni tanlashini aytgan.
«Real» — «Rayo Valyekano» uchrashuvi 12 sentyabr kuni «Santyago Bernabeu» stadionida bo‘lib o‘tadi.
