«Real» va Fransiya terma jamoasi hujumchisi Kilian Mbappe paragvaylik senator Selesta Amarilyaning o‘ziga nisbatan bildirgan rasistik fikrlariga munosabat bildirdi.
Avvalroq Paragvay terma jamoasining Jahon chempionati-2026 1/8 finalida Fransiyaga 0:1 hisobida mag‘lub bo‘lganidan so‘ng siyosatchi futbolchi haqida keskin fikr bildirgan edi.
Mbappe bu bayonotga javob qaytarib, Amarilyani o‘z lavozimiga noloyiq deb atagan va uni rasizmda ayblagan. Amarilya esa futbolchining bayonotini gender zo‘ravonligi deb baholagan.
«Bunday odamlarning shunday fikrlarni bildirishayotganini ko‘rganingizda... Meni Paragvay hukumati qo‘llab-quvvatladi. Men bilan muloqot qilgan prezident Emmanuel Makron hamda tegishli barcha davlat idoralari ham meni qo‘llab-quvvatladi.
Biz Mishel Platinining hamma narsani qanday bo‘lsa, shunday qabul qilishimiz kerakligi haqidagi so‘zlarini muhokama qildik. Ammo men bunday yondashuvni qabul qilmayman. Va men 2026 yilda muhim lavozimlarda mutlaqo layoqatsiz odamlar o‘tirganini ochiq aytaman. Biz bunga qarshi kurashish uchun doimo kuch va g‘ayrat topamiz», — dedi Mbappe.
