«Реал» ва Франция терма жамоаси ҳужумчиси Килиан Мбаппе парагвайлик сенатор Селеста Амарильянинг ўзига нисбатан билдирган расистик фикрларига муносабат билдирди.
Аввалроқ Парагвай терма жамоасининг Жаҳон чемпионати-2026 1/8 финалида Францияга 0:1 ҳисобида мағлуб бўлганидан сўнг сиёсатчи футболчи ҳақида кескин фикр билдирган эди.
Мбаппе бу баёнотга жавоб қайтариб, Амарильяни ўз лавозимига нолойиқ деб атаган ва уни расизмда айблаган. Амарилья эса футболчининг баёнотини гендер зўравонлиги деб баҳолаган.
«Бундай одамларнинг шундай фикрларни билдиришаётганини кўрганингизда... Мени Парагвай ҳукумати қўллаб-қувватлади. Мен билан мулоқот қилган президент Эммануэль Макрон ҳамда тегишли барча давлат идоралари ҳам мени қўллаб-қувватлади.
Биз Мишель Платинининг ҳамма нарсани қандай бўлса, шундай қабул қилишимиз кераклиги ҳақидаги сўзларини муҳокама қилдик. Аммо мен бундай ёндашувни қабул қилмайман. Ва мен 2026 йилда муҳим лавозимларда мутлақо лаёқатсиз одамлар ўтирганини очиқ айтаман. Биз бунга қарши курашиш учун доимо куч ва ғайрат топамиз», — деди Мбаппе.
