«PSJ» va Gruziya terma jamoasi vingeri Xvicha Kvarasxeliya futbol olamida o‘z mamlakati timsoli bo‘lish qo‘shimcha bosim yuklaydimi, degan savolga javob berdi.

«Gruziyalik bolalarga o‘rnak bo‘lish men uchun yoqimli, ammo, albatta, bu bosim ham yuklaydi. Chunki har safar maydonga chiqqaningda ularga o‘rnak bo‘lishing kerak, zero ular har bir harakatingni kuzatib borishadi. Men kichik mamlakatdanman, ammo muvaffaqiyatga erishdim va bu ularga o‘rnak bo‘ladi. Men ularga hech narsa imkonsiz emasligini, agar orzuing bo‘lsa, unga erishish mumkinligini ko‘rsataman».

Unga qaysi laqab ko‘proq yoqishi haqida:

«Menga eng ko‘p “Kvaradona” laqabi yoqadi. “Napoli”da o‘ynaganimdan juda faxrlanaman. Meni shunday atashlari ham sharaf, ham bosim, chunki seni futbol tarixidagi eng buyuk o‘yinchilardan biri bilan taqqoslashlari juda og‘ir. Hech kim Maradonaning o‘rnini bosa olmaydi, ammo bu yoqimli».

Uning futboldagi kumiri Guti bo‘lgani haqida:

«Uning qanday o‘ynagani menga yoqardi. Men unga maftun bo‘lgan edim», — dedi Kvarasxeliya.