«Arsenal» yarim himoyachisi Deklan Rays joriy mavsumda jamoa safida 60 dan ortiq o‘yin o‘tkazishga tayyorligini aytdi.
«So‘nggi olti mavsum davomida, hatto «Vest Xem»da o‘ynagan va yevrokuboklarda ishtirok etgan paytlarimda ham, bir mavsumda 60 tadan ortiq o‘yin o‘tkazganman. Shuning uchun buni amalga oshirish mumkin, deb o‘ylayman, chunki bunga qodir ekanimni allaqachon isbotlaganman. Faqat shu daraja va o‘yindagi barqarorlikni saqlab qolish kerak.
Men uchun eng muhimi — har hafta maydonga chiqish, yaxshi o‘yin ko‘rsatish va jamoaga g‘alaba qozonishda yordam berish. Buni amalga oshira olayotganimdan xursandman. Shuning uchun bu mavsumda ham buni yana bir bor isbotlashni juda xohlayman», — dedi Rays The Guardian nashriga.
APLning uch turidan so‘ng «Arsenal» 9 ochko jamg‘argan holda turnir jadvalida ikkinchi o‘rinda bormoqda.
