Portugaliyalik mutaxassis Serjiu Konseysau "Valensiya" bosh murabbiyi lavozimiga asosiy nomzod bo‘lib turibdi.
Avvalroq klub rahbariyati Karlos Korberanni iste’foga chiqarishga qaror qilgan edi. Uning qo‘l ostida "Valensiya" yangi mavsumdagi 5 ta o‘yinda bor-yo‘g‘i 1 ochko to‘pladi.
La Voz del Murcielago ma’lumotiga ko‘ra, ayni paytda Konseysau "ko‘rshapalaklar"ni murakkab vaziyatdan olib chiqishi mumkin bo‘lgan asosiy mutaxassis sifatida ko‘rib chiqilmoqda.
Eslatib o‘tamiz, portugaliyalik murabbiy avval Italiyaning "Milan" klubida ishlagan. U 2025 yil o‘rtalarida klubni tark etganidan keyin boshqa jamoada ish boshlamagan.
"Valensiya" keyingi turda "Alaves"ga qarshi maydonga tushadi.
