«Bavariya» bosh murabbiyi Vensan Kompani Germaniya chempionatining 3-turida «Elversberg»ga qarshi safarda o‘tkazilgan va 2:1 hisobida yakunlangan uchrashuvdan so‘ng fikr bildirdi.
«Bu yaxshi raqibga qarshi oson bo‘lmagan safar o‘yini bo‘ldi. Menimcha, ular o‘z maydonida hali ko‘p ochko to‘playdi. G‘alaba qozonganimizdan xursandmiz. Bizda ko‘plab vaziyatlar bo‘ldi va yanada ko‘proq gol urishimiz mumkin edi. So‘nggi o‘yinlarda imkoniyatlardan foydalanish borasida oqsayapmiz», — deya Kompani so‘zlarini Bayern & Germany keltirdi.
Bundesliganing uch turidan so‘ng «Bavariya» 7 ochko jamg‘arib, turnir jadvalida 4-o‘rinni egallab turibdi. Myunxenliklar peshqadam «Frayburg»dan 2 ochko ortda qolmoqda.
