«Manchester Siti»ning hujumkor yarim himoyachisi Rayan Sherki qishki transferlar oynasida Myunxenning «Bavariya» klubiga o‘tmaydi. Bu haqda jurnalist Kristian Falk xabar berdi.

Manbaga ko‘ra, «Bavariya» qishda Sherkini transfer qilishdan manfaatdor emas. OAVda tarqalgan mish-mishlarga qaramay, fransuz futbolchisi hatto nemis grandining transfer ro‘yxatida ham bo‘lmagan. Bu ma’lumotni «Bavariya» sport direktori Maks Eberl jurnalistga taqdim etgan.

Falkning ta’kidlashicha, «Bavariya» umuman yanvar oyida katta transferlarni amalga oshirishni odat qilmagan. Bu rejalarga faqat jamoa yetakchilaridan biri jiddiy jarohat olgan taqdirdagina o‘zgarish kiritilishi mumkin.

Joriy mavsumda Sherki barcha musobaqalar doirasida 6 ta uchrashuvda maydonga tushib, 2 ta gol urdi va 2 ta golli uzatmani amalga oshirdi.