Mashhur murabbiy Karlo Anchelotti Italiya futbolidagi holatni tanqid qildi. Ma’lumki, Italiya terma jamoasi so‘nggi uchta Jahon chempionatini o‘tkazib yubordi.
«Menimcha, so‘nggi yillarda Italiya yuqori darajadagi futbolchilardan iborat yaxshi avlodni tarbiyalay olmadi. Hatto hozir A Seriyaning yetakchi klublari — “Milan”, “Inter” va “Yuventus”da — birorta ham sifatli italiyalik hujumchi yo‘q.
Italiya navbatdagi Jahon chempionatiga chiqishi kerak. 20 yoshgacha va 17 yoshgacha bo‘lgan futbolchilardan iborat yangi avlod Yevropada yaxshi natijalar ko‘rsatmoqda. Menimcha, yangi avlod kuchliroq bo‘ladi va Italiya navbatdagi Jahon chempionatiga yo‘llanma oladi», — dedi Anchelotti CNN Esportes nashriga.
Karlo Anchelotti Braziliya terma jamoasi bosh murabbiyi hisoblanadi.
