«Manchester Siti»ning norvegiyalik goleadori Erling Xoland «Real» va «Barselona» klublari qiziqish doirasida.

TEAMtalk ma’lumotiga ko‘ra, Ispaniya grandlari 2027 yilda Xolandni o‘z safiga qo‘shib olishni rejalashtirmoqda. Har ikki klub futbolchining yangi shartnomasida tovon puli bandi bor, deb hisoblaydi, ammo «Manchester Siti» bu ma’lumotni rad etmoqda.

Shu bilan birga, Xoland va «Manchester Siti» o‘rtasida hujumchi yangi chaqiriqni qabul qilishga qaror qilsa, klubni tark etishiga imkon beruvchi kelishuv mavjudligi ta’kidlanmoqda. Biroq hozircha futbolchi «shaharliklar» safini tark etish istagini bildirmagan va turli mish-mishlarga qaramay, Angliya grandiga sodiq qolmoqda.

Joriy mavsumda 26 yoshli Xoland barcha turnirlarda oltita uchrashuvda ishtirok etib, oltita gol urdi.