«Barselona» bosh murabbiyi Xansi Flik Lamin Yamalning ayni paytdagi o‘yin formasini yuqori baholadi.

«Unga hamma narsa osonlikcha kelyapti, deb aytmagan bo‘lardim. U juda katta mahoratga ega, qolaversa, hozir juda yaxshi formada.

Endi u gol ura olishini yanada yaxshi anglayapti va bu o‘yinlarda ham ko‘rinib turibdi — unda gol urish uchun ko‘proq imkoniyatlar paydo bo‘lyapti. Hujumlarni yakunlashdagi ishonchi meni hayratga solyapti.

Hozir u ajoyib formada va juda yuqori darajada o‘ynayapti. Men doim aytaman: uni mashg‘ulotlarda ko‘rsangiz, o‘yinda undan nimani kutish mumkinligini oldindan tushunasiz. Hozir esa uning mashg‘ulotlarda ko‘rsatayotgan o‘yini menga juda yoqyapti», — deya Flikning so‘zlarini keltiradi AS.

Yamal so‘nggi uchrashuvda dubl qayd etib, «Barselona»ning La Liga 5-turida «Levante»ni 4:2 hisobida mag‘lub etishiga katta hissa qo‘shdi.