«Manchester Yunayted»ning sobiq yarim himoyachisi Roy Kin «Manchester Siti»ga qarshi derbida Erling Xolandning goli bilan yakunlangan bahsli vaziyat haqida fikr bildirdi.
Yakshanba kuni «Man Siti» «Old Trafford»da «MYU»ni 1:0 hisobida mag‘lub etdi. Uchrashuvda hakam Maykl Oliver dastlab Enso Fernandesning ofsaydda qolgani sabab Xolandning golini bekor qildi. Biroq VAR tavsiyasidan so‘ng qarorini o‘zgartirdi. Keyinchalik APL hakamlar komissiyasi «shaharliklar» yarim himoyachisi ofsaydda turgan holda vaziyatga ta’sir ko‘rsatganini tan oldi.
«Fernandes o‘yinga xalaqit berdi. Aslida, “Yunayted” yaxshi himoya chizig‘ini saqlagani uchun jazolandi. Bunday pozisiyada turgan futbolchi o‘yin jarayoniga ta’sir qiladi. U jarima maydoni markazida bo‘lib, to‘pni qabul qiladi.
“Yunayted” himoya chizig‘ini yaxshi saqlagan. Fernandes esa ofsaydda turib to‘pni qabul qildi. Shu bois jamoa yaxshi himoyalangani uchun jazolandi», — dedi Kin.
