«Манчестер Юнайтед»нинг собиқ ярим ҳимоячиси Рой Кин «Манчестер Сити»га қарши дербида Эрлинг Холанднинг голи билан якунланган баҳсли вазият ҳақида фикр билдирди.
Якшанба куни «Ман Сити» «Олд Траффорд»да «МЮ»ни 1:0 ҳисобида мағлуб этди. Учрашувда ҳакам Майкл Оливер дастлаб Энцо Фернандеснинг офсайдда қолгани сабаб Холанднинг голини бекор қилди. Бироқ ВАР тавсиясидан сўнг қарорини ўзгартирди. Кейинчалик АПЛ ҳакамлар комиссияси «шаҳарликлар» ярим ҳимоячиси офсайдда турган ҳолда вазиятга таъсир кўрсатганини тан олди.
«Фернандес ўйинга халақит берди. Аслида, “Юнайтед” яхши ҳимоя чизиғини сақлагани учун жазоланди. Бундай позицияда турган футболчи ўйин жараёнига таъсир қилади. У жарима майдони марказида бўлиб, тўпни қабул қилади.
“Юнайтед” ҳимоя чизиғини яхши сақлаган. Фернандес эса офсайдда туриб тўпни қабул қилди. Шу боис жамоа яхши ҳимоялангани учун жазоланди», — деди Кин.
