"Real" hujumchisi Karlos Espi Ispaniya chempionatining 6-turida "Elche" ustidan 3:2 hisobida qozonilgan g‘alabadan so‘ng hissiyotlari bilan o‘rtoqlashdi.

Espi uchrashuvning 90+1-daqiqasida g‘alaba golini urdi.

"Men juda baxtliman, hozir dunyodagi eng baxtli insonman. Jamoaga har qanday yo‘l bilan yordam berishga harakat qilaman. Har safar maydonga tushganimda bor kuchimni beraman, shuning uchun juda xursandman.

"Real"dagi faoliyatimni shunday boshlash — orzu. Ammo bu bilan hammasi tugamaydi. Oldinga harakat qilishda davom etamiz, chunki yakshanba kuni bizni navbatdagi o‘yin kutmoqda.

Bu butun jamoaning xizmati. Maydonga tushgan har bir futbolchi o‘z imkoniyatidan foydalanyapti va bor kuchini beryapti.

Mbappe — ajoyib futbolchi. Uning qanday mashq qilishi va o‘ynashini ko‘rishning o‘zi hayratlanarli. Bu vaziyatda u menga golli uzatma berdi va men uning uchun ham juda xursandman.

Madrid derbisi? Bu o‘yinni juda intiqlik bilan kutyapman. Bu mening ilk derbim bo‘ladi va biz unda yuz foiz kuch bilan harakat qilamiz", — deya Espining so‘zlarini keltiradi "Real" rasmiy sayti.