Ispaniya La Ligasining 6-turida «Real» safarda «Elche»ni qiyin kechgan uchrashuvda 3:2 hisobida mag‘lub etdi.

Madridliklarning 19 yoshli vingeri Yan Diomande ketma-ket ikkinchi o‘yinda asosiy tarkibda maydonga tushdi va uchrashuvning deyarli barcha daqiqalarini o‘tkazdi. U 4-daqiqadayoq sariq kartochka oldi, ammo bu keyinchalik o‘zini ko‘rsatishiga to‘sqinlik qilmadi.

33-daqiqada kot-d’ivuarlik futbolchi Kilian Mbappega golli uzatma berdi. Bu Diomandening «RB Leypsig»dan «Real»ga o‘tganidan keyingi ilk natijali harakati bo‘ldi.

«Real» Diomandeni o‘tgan yozda 125 million yevroga sotib olgan edi. Bu klub tarixida Jud Bellingemning 127 million yevrolik transferidan keyingi ikkinchi eng qimmat xarid hisoblanadi.

Diomande «Real» safida hozirga qadar 7 ta o‘yinda maydonga tushib, 1 ta golli uzatmani amalga oshirgan. U hali gol urishga muvaffaq bo‘lmagan.