Испания Ла Лигасининг 6-турида «Реал» сафарда «Эльче»ни қийин кечган учрашувда 3:2 ҳисобида мағлуб этди.

Мадридликларнинг 19 ёшли вингери Ян Диоманде кетма-кет иккинчи ўйинда асосий таркибда майдонга тушди ва учрашувнинг деярли барча дақиқаларини ўтказди. У 4-дақиқадаёқ сариқ карточка олди, аммо бу кейинчалик ўзини кўрсатишига тўсқинлик қилмади.

33-дақиқада кот-д’ивуарлик футболчи Килиан Мбаппега голли узатма берди. Бу Диоманденинг «РБ Лейпциг»дан «Реал»га ўтганидан кейинги илк натижали ҳаракати бўлди.

«Реал» Диомандени ўтган ёзда 125 миллион еврога сотиб олган эди. Бу клуб тарихида Жуд Беллингемнинг 127 миллион евролик трансферидан кейинги иккинчи энг қиммат харид ҳисобланади.

Диоманде «Реал» сафида ҳозирга қадар 7 та ўйинда майдонга тушиб, 1 та голли узатмани амалга оширган. У ҳали гол уришга муваффақ бўлмаган.