«Real» Ispaniya chempionatining 6-turida «Elche»ni qiyinchilik bilan 3:2 hisobida mag‘lub etdi. Madridliklar g‘alaba golini qo‘shib berilgan daqiqalarda urdi.
Uchrashuv davomida «Real»ga yana omad kulib boqmadi. Birinchi bo‘lim o‘rtalarida Arda Gyulerning zarbasi «Elche» darvozasi ustuniga tegdi.
Ma’lum bo‘lishicha, bu madridliklarning joriy La Liga mavsumidagi 6 ta o‘yinda ustun yoki to‘singa tekkizgan to‘qqizinchi zarbasi bo‘ldi.
Bu ko‘rsatkich bo‘yicha «Real» chempionatda yaqqol yetakchilik qilmoqda. Eng yaqin ta’qibchi «Barselona» futbolchilari esa joriy mavsumda 4 marta darvoza ustuni yoki to‘siniga zarba bergan.
La Liganing boshqa jamoalarida bu ko‘rsatkich yanada past.
