«Nottingem Forest»ning hujumkor yarim himoyachisi Morgan Gibbs-Uayt faoliyatini «Tottenxem»da davom ettirishi mumkin. Bu haqda TEAMtalk xabar berdi.
Manba ma’lumotiga ko‘ra, London klubi 26 yoshli futbolchini sotib olish variantini ko‘rib chiqmoqda. «Tottenxem» 2025 yil yozida ham angliyalik yarim himoyachini o‘z safiga qo‘shib olishga uringan, ammo o‘sha paytda transfer amalga oshmagan edi.
Shu bilan birga, «Nottingem Forest» Gibbs-Uaytga yangi shartnoma taklif qilishni rejalashtirmoqda.
Yarim himoyachi joriy mavsum Angliya Premyer-ligasida 4 ta o‘yinda maydonga tushib, 1 ta gol urdi va 2 ta golli uzatmani amalga oshirdi.
Transfermarkt portali Gibbs-Uaytning bozor qiymatini 70 million yevro deb baholamoqda.
Qayd etish kerak, «Tottenxem» o‘tgan yozda Sandro Tonali va Mateush Fernandesh transferlari uchun jami 200 million yevrodan ortiq mablag‘ sarflagan edi.
