«Ноттингем Форест»нинг ҳужумкор ярим ҳимоячиси Морган Гиббс-Уайт фаолиятини «Тоттенхэм»да давом эттириши мумкин. Бу ҳақда TEAMtalk хабар берди.

Манба маълумотига кўра, Лондон клуби 26 ёшли футболчини сотиб олиш вариантини кўриб чиқмоқда. «Тоттенхэм» 2025 йил ёзида ҳам англиялик ярим ҳимоячини ўз сафига қўшиб олишга уринган, аммо ўша пайтда трансфер амалга ошмаган эди.

Шу билан бирга, «Ноттингем Форест» Гиббс-Уайтга янги шартнома таклиф қилишни режалаштирмоқда.

Ярим ҳимоячи жорий мавсум Англия Премьер-лигасида 4 та ўйинда майдонга тушиб, 1 та гол урди ва 2 та голли узатмани амалга оширди.

Transfermarkt портали Гиббс-Уайтнинг бозор қийматини 70 миллион евро деб баҳоламоқда.

Қайд этиш керак, «Тоттенхэм» ўтган ёзда Сандро Тонали ва Матеуш Фернандеш трансферлари учун жами 200 миллион евродан ортиқ маблағ сарфлаган эди.