«Real» hujumchisi Vinisius Junior ayni paytda eng yaxshi formada emas, ammo hanuz asosiy tarkibda maydonga tushmoqda. Joze Mourinyo matbuot anjumanlarida braziliyalik hujumchi optimal holatiga yaqinlashayotganini bir necha bor ta’kidlagan.
Hozircha Vinisius o‘z maqomi tufayli asosiy tarkibdan joy olmoqda. Biroq hujumchi o‘z o‘yinini yaxshilay olmasa, uning asosiy tarkibdagi o‘rnini Yan Diomande egallashi mumkin. Bu haqda The Touchline Cadena SER radiosiga tayanib xabar berdi.
Seshanba kuni «Real» La Liga doirasida mehmonda «Elche» ustidan 3:2 hisobida g‘alaba qozondi. Vinisius bir yarim taym o‘ynadi va samarali harakatlari bilan ajralib turmadi.
