«Liverpul» darvozaboni Giorgi Mamardashvili Angliya Liga kubogida «Tottenxem»ni 3:1 hisobida mag‘lub etishda jamoasiga yordam berdi va o‘zining hal qiluvchi seyvini «aqlbovar qilmas» deb atadi. Hisob 2:1 bo‘lganida darvozabon qo‘lini cho‘zib, Omar Marmushning yaqin masofadan yo‘llagan zarbasini qaytardi.

«Men hozirgina seyvni televizorda ko‘rdim va u haqiqatan ham aqlbovar qilmas darajada edi. Bu yaxshi seyv bo‘ldi. Juda g‘alati vaziyat edi, ammo o‘yin yaxshi o‘tdi. Menga yoqdi. Jamoaga yordam berish uchun shunday seyvlar qilishdan xursandman», — dedi Mamardashvili.

Darvozabon 69-daqiqada Konor Gallaxer urgan golda ehtimol o‘ziga nisbatan fol ishlatilganini ham ta’kidladi.

«Menimcha, kimdir qo‘limdan ushlab oldi. Hali takroriy lavhani ko‘rganim yo‘q, ammo bu fol bo‘lgan deb o‘ylayman, aniq ishonchim komil emas», — dedi u.

Mamardashvili Andoni Iraola boshchiligidagi birinchi o‘yinini o‘tkazdi. Murabbiy asosiy tarkibda 10 ta o‘zgarish amalga oshirgan.