Angliyaning «Kristal Pelas» klubi rasmiy saytida darvozabon Din Xenderson bilan shartnoma uzaytirilganini ma’lum qildi.

«Kristal Pelas» Yevropa sovrinini qo‘lga kiritgan kapitanimiz Din Xenderson klub bilan yangi shartnoma imzolaganini mamnuniyat bilan ma’lum qiladi. Leypsigda UYEFA Konferensiyalar ligasi kubogini boshi uzra ko‘targan va ko‘p o‘tmay Angliya terma jamoasiga so‘nggi 60 yildagi jahon chempionatlaridagi eng yaxshi natijani qayd etishga yordam bergan asosiy darvozabon klubdagi kelajagini 2030 yilgacha «Pelas» bilan bog‘ladi.

Xenderson 2023 yil avgust oyida «Manchester Yunayted»dan «Pelas»ga o‘tganidan buyon klub safida 119 ta o‘yin o‘tkazdi va 38 marta o‘z darvozasi daxlsizligini saqlab qoldi. Shuningdek, u Angliya terma jamoasi safida besh marta maydonga tushdi.

«Men juda xursandman. Bu ajoyib uch yil bo‘ldi va shartnomamni uzaytirganimdan juda mamnunman. Eng yaxshi yillarim hali oldinda va ularni «Kristal Pelas»ga bag‘ishlashdan baxtiyorman», — dedi Xenderson.