Англиянинг «Кристал Пэлас» клуби расмий сайтида дарвозабон Дин Хендерсон билан шартнома узайтирилганини маълум қилди.
«Кристал Пэлас» Европа совринини қўлга киритган капитанимиз Дин Хендерсон клуб билан янги шартнома имзолаганини мамнуният билан маълум қилади. Лейпцигда УЕФА Конференциялар лигаси кубогини боши узра кўтарган ва кўп ўтмай Англия терма жамоасига сўнгги 60 йилдаги жаҳон чемпионатларидаги энг яхши натижани қайд этишга ёрдам берган асосий дарвозабон клубдаги келажагини 2030 йилгача «Пэлас» билан боғлади.
Хендерсон 2023 йил август ойида «Манчестер Юнайтед»дан «Пэлас»га ўтганидан буён клуб сафида 119 та ўйин ўтказди ва 38 марта ўз дарвозаси дахлсизлигини сақлаб қолди. Шунингдек, у Англия терма жамоаси сафида беш марта майдонга тушди.
«Мен жуда хурсандман. Бу ажойиб уч йил бўлди ва шартномамни узайтирганимдан жуда мамнунман. Энг яхши йилларим ҳали олдинда ва уларни «Кристал Пэлас»га бағишлашдан бахтиёрман», — деди Хендерсон.
