«Barselona» vingeri Lamin Yamal joriy mavsumda Ispaniya La Ligasidagi ilk golli uzatmasini amalga oshirdi.
19 yoshli futbolchi chempionatning 6-turidan o‘rin olgan «Rasing»ga qarshi uchrashuvning 8-daqiqasida hisobni ochgan Joau Kanseluga assist qildi, shuningdek taym oxirida penaltidan foydalana olmadi. Birinchi bo‘lim davomida hisob 4:1 ko‘rinishida bo‘ldi.
Shu tariqa, Yamal ketma-ket beshinchi o‘yinda «gol+pas» tizimi bo‘yicha samarali harakat qayd etdi.
Uning joriy mavsumda barcha musobaqalardagi ko‘rsatkichi 11 ochkoni — 7 ta gol va 4 ta golli uzatmani tashkil etmoqda. «Rasing»ga qarshi bahs Lamin uchun mavsumdagi yettinchi uchrashuv bo‘ldi.
