«Barselona» vingeri Lamin Yamal La Liganing «Rasing»ga qarshi 7:2 hisobida yakunlangan uchrashuvida gol urib, o‘zining golli seriyasini davom ettirdi.

19 yoshli futbolchi birinchi bo‘lim oxirida penaltidan foydalana olmadi, ammo ikkinchi bo‘limda o‘yindan gol urishga muvaffaq bo‘ldi. U 89-daqiqada uchrashuvdagi yakuniy hisobni o‘rnatdi.

Yamal faoliyatida ikkinchi bor ketma-ket beshta uchrashuvda raqib darvozasini ishg‘ol qildi.

Bunga qadar u «Rayo Valyekano» va «Valensiya»ga qarshi ikkitadan, «Feyenoord»ga bitta va «Levante»ga qarshi yana ikkita gol urgan edi.

Ushbu beshta o‘yinlik seriya davomida ispaniyalik futbolchi jami 8 ta gol urdi va 4 ta golli uzatma amalga oshirdi.

«Barselona» esa La Liganing dastlabki olti turidan so‘ng ham ochko yo‘qotgani yo‘q — jamoa 18 ochko bilan peshqadamlik qilmoqda.