«Yuventus» argentinalik vinger Niko Gonsalesning vakillari bilan yangi shartnoma masalasida muzokara o‘tkazadi. Bu haqda insayder Nikolo Skira ijtimoiy tarmoqlarda xabar berdi.

Manba ma’lumotiga ko‘ra, tomonlar o‘rtasidagi muzokaralar terma jamoalar o‘yinlari munosabati bilan yuzaga keladigan tanaffus paytida bo‘lib o‘tadi.

Uchrashuvda hamkorlikni 2030 yoki 2031 yilga qadar uzaytirish masalasi muhokama qilinadi.

28 yoshli vingerning «Yuventus» bilan amaldagi shartnomasi 2029 yil iyun oyi oxiriga qadar mo‘ljallangan. Uning transfer qiymati 22 million yevroga baholanmoqda.

Gonsales joriy mavsum A Seriyada 3 ta uchrashuvda maydonga tushib, 1 ta gol urdi.