O‘zbekiston terma jamoasi Osiyo o‘yinlaridagi ikkinchi uchrashuvini Kuvaytga qarshi o‘tkazib, dastlabki bo‘limdayoq ikki to‘p farqi bilan oldinga chiqdi.
Uchrashuvning 6-daqiqasida Sardor Bahromov olis masofadan kuchli zarba bilan raqib darvozasini ishg‘ol qilib, jamoamizni hisobda oldinga olib chiqdi. 36-daqiqada esa Bahromov yana bir bor gol urib, dublni rasmiylashtirdi — 2:0.
Tanaffusdan so‘ng O‘zbekiston jiddiy sinovga duch keldi. 48-daqiqada Ro‘ziboy Fayzullayev qizil kartochka olib, maydonni tark etdi. Shundan so‘ng jamoamiz bir kishi kam bo‘lib harakat qilishga majbur bo‘ldi.
O‘yinning ikkinchi yarmida O‘zbekiston tarkibida bir qator o‘zgarishlar amalga oshirildi. 46-daqiqada dubl muallifi Bahromov o‘rniga Karimov, 59-daqiqada O‘rinboyev o‘rniga Xushvaqtov, 71-daqiqada Saydnurillayev o‘rniga Shodiboyev, 87-daqiqada esa Jumayev o‘rniga Abdunazarov maydonga tushdi.
O‘zbekiston qolgan vaqtda o‘z darvozasi daxlsizligini saqlab qoldi va Osiyo o‘yinlaridagi ilk uchrashuvida 2:0 hisobida g‘alaba qozondi. Jamoamiz muddatidan avval chorak final yo‘llanmasini qo‘lga kiritdi. Ravshan Haydarov jamoasi guruhda 3-bahsni 22 sentyabr kuni Vyetnamga qarshi o‘tkazadi.
Osiyo o‘yinlari. "S" guruhi, 2-tur
18 sentyabr, 2026 yil.
Kuvayt — O‘zbekiston 0:2
Gollar: Sardor Bahromov, 6, 36.
Qizil kartochka: Ro‘ziboy Fayzullayev, 48.
| № | Jamoa | O‘yin | G‘alaba | Durang | Mag‘lubiyat | T-N | Ochko | |
|---|---|---|---|---|---|---|---|---|
| 1 |  |
O‘zbekiston | 2 | 2 | 0 | 0 | 7-1 | 6 |
| 2 |  |
Vyetnam | 2 | 1 | 1 | 0 | 3-1 | 4 |
| 3 |  |
Kuvayt | 2 | 0 | 1 | 1 | 1-3 | 1 |
| 4 |  |
Filippin | 2 | 0 | 0 | 2 | 1-7 | 0 |
