Angliya futboli faxriysi Jeyms Milner «Manchester Siti»da birga o‘ynagan Mario Balotelli bilan munosabatlari haqida gapirdi. Milnerning aytishicha, Balotelli ba’zida o‘zini boladek tutganiga qaramay, ular jamoada yaxshi chiqishgan.
«Men u bilan doimo yaxshi munosabatda bo‘lganman. Ammo jamoada 11 yoki 12 yoshli bola bordek edi. Ba’zida biz turib, gaplashib turgan bo‘lardik, hech kim esa unga e’tibor bermasdi. Shunda u darhol e’tiborni o‘ziga qaratish uchun qandaydir ahmoqona ish qilardi: shovqin ko‘tarardi, nimanidir sindirardi — xullas, hammasi unga qarashlari uchun», — deya Milnerning so‘zlarini derbyderbyderby.it keltirmoqda.
Ayni paytda Balotelli faoliyatini Birlashgan Arab Amirliklarida davom ettirmoqda.
