Англия футболи фахрийси Жеймс Милнер «Манчестер Сити»да бирга ўйнаган Марио Балотелли билан муносабатлари ҳақида гапирди. Милнернинг айтишича, Балотелли баъзида ўзини боладек тутганига қарамай, улар жамоада яхши чиқишган.

«Мен у билан доимо яхши муносабатда бўлганман. Аммо жамоада 11 ёки 12 ёшли бола бордек эди. Баъзида биз туриб, гаплашиб турган бўлардик, ҳеч ким эса унга эътибор бермасди. Шунда у дарҳол эътиборни ўзига қаратиш учун қандайдир аҳмоқона иш қиларди: шовқин кўтарарди, ниманидир синдирарди — хуллас, ҳаммаси унга қарашлари учун», — дея Милнернинг сўзларини derbyderbyderby.it келтирмоқда.

Айни пайтда Балотелли фаолиятини Бирлашган Араб Амирликларида давом эттирмоқда.