«Milan»ning sobiq bosh murabbiyi Fabio Kapello Luka Modrich asosiy tarkibda o‘ynashi kerak, deb hisoblaydi. U Yevropa ligasida «Benfika»ga qarshi muvaffaqiyatsiz o‘tgan uchrashuvda xorvatiyalik yarim himoyachining zaxirada qoldirilganini tanqid qildi.
«U hatto eng yaxshi formada bo‘lmagan taqdirda ham, bunday futbolchini zaxirada qoldirish masalasiga juda ehtiyotkorlik bilan yondashgan bo‘lardim. Modrich — bu tarkibda o‘yinni vertikal yo‘nalishda rivojlantira oladigan kam sonli futbolchilardan biri», — deya Kapelloning so‘zlarini La Gazzetta dello Sport keltirdi.
Eslatib o‘tamiz, Luka Modrich o‘tgan yil yozidan buyon «Milan» safida to‘p surmoqda. Bunga qadar u ko‘p yillar davomida Madridning «Real» klubida o‘ynagan.
