Londonning «Arsenal» klubi bosh murabbiyi Mikel Arteta 16 yoshli Maks Doumanning ehtimoliy ketishi haqida fikr bildirdi.
Avvalroq «kanonirlar» o‘z tarbiyalanuvchisini ijaraga qo‘yib yuborishga tayyor ekani haqida xabarlar tarqalgan edi.
«Biz hech qanday variantni ko‘rib chiqmadik, chunki uni jamoada ko‘rishni istadik. U mavsumoldi tayyorgarlikni ham biz bilan o‘tkazishini xohladik.
Eng to‘g‘ri qarorni qabul qilish uchun vaziyatni har olti oyda qayta baholab boramiz. Biz takliflarga ochiqmiz, ammo hozir u shu yerda qolishi va «Arsenal»ga foyda keltirishi kerak», — deya Artetaning so‘zlarini Football Transfers keltirdi.
Joriy mavsumda Douman Angliya Liga kubogida bitta uchrashuvda maydonga tushib, 2 ta gol urdi.
