Londonning «Arsenal» klubi yarim himoyachisi Bruno Gimaraes Angliya Premyer-ligasida «Brayton»ga qarshi o‘yindagi 0:3 hisobidagi mag‘lubiyatga munosabat bildirdi.
«Chaykalar» «kanonirlar»ga joriy mavsumdagi ilk mag‘lubiyatni keltirdi. Shuningdek, bu Mikel Arteta jamoasining Premyer-ligada so‘nggi uch yarim yil ichidagi ilk yirik hisobdagi mag‘lubiyati bo‘ldi.
«Biz «Arsenal» safida o‘ynab, ko‘rsatishimiz shart bo‘lgan daraja bu emasligini yaxshi bilamiz. Bunday holat boshqa takrorlanmasligi uchun yanada qattiqroq mehnat qilamiz», — deb yozdi braziliyalik yarim himoyachi ijtimoiy tarmoqda.
«Arsenal» 12 ochko bilan turnir jadvalida ikkinchi o‘rinni egallab turibdi. Londonliklar to‘plar nisbati bo‘yicha «Manchester Siti»dan ortda qolmoqda, ayni paytda «shaharliklar» zaxirada yana bir o‘yinga ega.
