Лондоннинг «Арсенал» клуби ярим ҳимоячиси Бруно Гимараэс Англия Премьер-лигасида «Брайтон»га қарши ўйиндаги 0:3 ҳисобидаги мағлубиятга муносабат билдирди.

«Чайкалар» «канонирлар»га жорий мавсумдаги илк мағлубиятни келтирди. Шунингдек, бу Микель Артета жамоасининг Премьер-лигада сўнгги уч ярим йил ичидаги илк йирик ҳисобдаги мағлубияти бўлди.

«Биз «Арсенал» сафида ўйнаб, кўрсатишимиз шарт бўлган даража бу эмаслигини яхши биламиз. Бундай ҳолат бошқа такрорланмаслиги учун янада қаттиқроқ меҳнат қиламиз», — деб ёзди бразилиялик ярим ҳимоячи ижтимоий тармоқда.

«Арсенал» 12 очко билан турнир жадвалида иккинчи ўринни эгаллаб турибди. Лондонликлар тўплар нисбати бўйича «Манчестер Сити»дан ортда қолмоқда, айни пайтда «шаҳарликлар» захирада яна бир ўйинга эга.