Angliya terma jamoasi yarim himoyachisi Jud Bellingem Madridning «Real» klubi bilan yangi uzoq muddatli shartnoma imzolaydi. Bu haqda insayder Nikolo Skira ijtimoiy tarmoqlar orqali ma’lum qildi.
Jurnalistga ko‘ra, yulduz futbolchi «qaymoqranglilar» bilan hamkorlikni uzaytirishga juda yaqin turibdi. Tomonlar o‘rtasidagi yangi shartnoma 2032 yilgacha amal qilishi kutilmoqda.
23 yoshli angliyalik futbolchi 2023 yil yozidan buyon Madrid grandi sharafini himoya qilib kelmoqda. Judning amaldagi shartnomasi 2029 yil iyun oyi oxirigacha amal qiladi.
Bellingem joriy La Liga mavsumida 6 ta uchrashuvda maydonga tushdi. Yarim himoyachi 3 ta gol urdi va 2 ta golli uzatmani amalga oshirdi.
