Fransiya terma jamoasining sobiq himoyachisi Biksant Lizarazyu milliy jamoa hujumchilari Kilian Mbappe va Usman Dembele o‘rtasida ehtimoliy kelishmovchilik yuzaga kelgani haqidagi savolga javob berdi.
"Kilian Mbappening juda xudbin va asosan o‘ziga qaratilgan so‘zlari sabab Mbappe va Dembele o‘rtasida taranglik paydo bo‘lishiga yo‘l qo‘yib bo‘lmaydi", — deya Lizarazyu so‘zlarini Telefoot ijtimoiy tarmoqdagi sahifasida keltirdi.
Eslatib o‘tamiz, Mbappe France Football nashriga bergan intervyusida shunday degan edi:
"Dembele har doim iqtidorli futbolchi sifatida qaralgan. Meni esa doimo tanlangan futbolchi deb hisoblashgan".
13 sentyabr kuni Liga 1 4-turidan o‘rin olgan "PSJ" — "Brest" uchrashuvidan so‘ng Dembele Fransiya termasi sardorining so‘zlariga munosabat bildirdi.
"Men har doim sinfning oxirida bo‘lganman va qattiq mehnat qilganman. Butun faoliyatim davomida birorta ham ortiqcha gap aytmadim, juda ko‘p ishladim. Avval ham aytganimdek, men hech qachon tanlangan inson bo‘lmaganman, ammo mehnat qildim va o‘tgan yili "PSJ" bilan o‘tkazgan ajoyib mavsumim uchun munosib mukofot oldim", — dedi Dembele.
