Франция терма жамоасининг собиқ ҳимоячиси Биксант Лизаразю миллий жамоа ҳужумчилари Килиан Мбаппе ва Усман Дембеле ўртасида эҳтимолий келишмовчилик юзага келгани ҳақидаги саволга жавоб берди.
"Килиан Мбаппенинг жуда худбин ва асосан ўзига қаратилган сўзлари сабаб Мбаппе ва Дембеле ўртасида таранглик пайдо бўлишига йўл қўйиб бўлмайди", — дея Лизаразю сўзларини Telefoot ижтимоий тармоқдаги саҳифасида келтирди.
Эслатиб ўтамиз, Мбаппе France Football нашрига берган интервьюсида шундай деган эди:
"Дембеле ҳар доим иқтидорли футболчи сифатида қаралган. Мени эса доимо танланган футболчи деб ҳисоблашган".
13 сентябрь куни Лига 1 4-туридан ўрин олган "ПСЖ" — "Брест" учрашувидан сўнг Дембеле Франция термаси сардорининг сўзларига муносабат билдирди.
"Мен ҳар доим синфнинг охирида бўлганман ва қаттиқ меҳнат қилганман. Бутун фаолиятим давомида бирорта ҳам ортиқча гап айтмадим, жуда кўп ишладим. Аввал ҳам айтганимдек, мен ҳеч қачон танланган инсон бўлмаганман, аммо меҳнат қилдим ва ўтган йили "ПСЖ" билан ўтказган ажойиб мавсумим учун муносиб мукофот олдим", — деди Дембеле.
