«PSJ» bosh murabbiyi Luis Enrike Liga 1ning 5-turida «Marsel» ustidan qozonilgan g‘alaba (2:1) haqida o‘z fikrlarini bildirdi.
«Bu biz rejalashtirganimizdek, juda murakkab kechgan o‘yin bo‘ldi. Hamma oson bo‘ladi degandi… «Velodrom»da o‘ynash – aslo jo‘n ish emas. Biz o‘z futbolimizni o‘ynashga harakat qildik, birinchi bo‘limda kamroq imkoniyatlar yaratdik, chunki raqib juda yaxshi himoyalandi. Ikkinchi bo‘limda esa hamma narsa o‘zgardi, juda yaxshi ikkinchi bo‘lim o‘tkazdik.
Biz juda katta hajmdagi ishni bajardik. Hech narsa o‘z-o‘zidan osonlikcha berilmaydi. Biz juda yaxshi shakllangan «Marsel»ni ko‘rdik – ayniqsa himoyada o‘ynashda. Ularda juda yaxshi murabbiy bor va ishonamanki, ular yanada o‘sishga erishadilar», – dedi Enrike Ligue 1+ efirida.
