O‘zbekiston Superligasining 22-turi bugun, 21 sentyabr kuni yakunlanadi.
Turning oxirgi uchrashuvida "Xorazm" o‘z maydonida "Qizilqum"ni qabul qiladi. Mazkur bahs soat 20:15 da boshlanadi.
22-tur doirasidagi qolgan o‘yinlar allaqachon bo‘lib o‘tdi. "Navbahor" "Dinamo"ni 3:2 hisobida yenggan bo‘lsa, "Paxtakor" "Mash’al"dan 2:1, "Bunyodkor" esa "Buxoro"dan 2:1 hisobida ustun keldi.
"Nasaf" safarda "Andijon"ni 4:1 hisobida yirik mag‘lubiyatga uchratdi. "Surxon" "Qo‘qon-1912"ni 1:0, OKMK "So‘g‘diyona"ni 2:1 hisobida mag‘lub etdi. "Neftchi" esa Toshkentda "Lokomotiv"ni 1:0 hisobida yengdi.
Turnir jadvalida ayni paytda "Neftchi" 22 ta uchrashuvdan 51 ochko to‘plab, birinchi o‘rinni egallab turibdi. "Paxtakor" 49 ochko bilan ikkinchi, "Navbahor" 44 ochko bilan uchinchi pog‘onadan joy olgan.
OKMK va "Lokomotiv" hisobida 35 tadan ochko bor. "Nasaf" 34 ochko bilan 6-o‘rinda, "Buxoro" esa xuddi shu ochko bilan 7-pog‘onada bormoqda.
Bugun o‘zaro to‘qnashadigan jamoalardan "Qizilqum" 21 o‘yindan keyin 26 ochko bilan 11-o‘rinda. "Xorazm" esa 21 ochko bilan 14-pog‘onani egallab turibdi.
21 sentyabr. Superliga, 22-tur:
"Xorazm" — "Qizilqum" — 20:15
