Nufuzli Marca nashri «Real»ga bag‘ishlangan maqola chop etdi. unda «Qirollik klubi»ning tarkibi tahlil qilingan.

Tahlil davomida Vinisius Junior, Federiko Valverde va Orelyen Chuamenilar tanqid ostiga olindi. Ispaniyalik jurnalistlar tilga olingan o‘yinchilarning har birining kamchiliklarini tushuntirib berishdi. Ularning tarkibdagi o‘rinlari katta so‘roq ostida turibdi.

«Jamoa terma jamoalar o‘yinlari uchun tanaffusga yo‘l olmoqda va hali ham Vinidan o‘zining eng yaxshi sifatlarini ko‘rsatishini kutmoqda. Madrid derbisida Vinisius deyarli hech narsa bilan ajralib turmadi, bu esa uning asosiy tarkibdagi o‘rni bo‘yicha munozaralarni yanada kuchaytirdi.

Valverde va Chuameni «Real»ga yangicha hech narsa bera olishmayapti. Ikkalasi ham jismoniy kuchga ega, pressing qilishni va hududlarni samarali yopishni bilishadi, ammo hujumlarni tashkil qilishda yangi g‘oyalarni taklif eta olishmaydi. Ularga o‘yinni tashkillashtirish mas’uliyati yuklanganida, natija oldindan ma’lum bo‘lib qoladi: to‘p bir futbolchidan boshqasiga o‘tadi, ammo hujum deyarli rivojlanmaydi», — deyiladi maqolada.