Нуфузли Marca нашри «Реал»га бағишланган мақола чоп этди. унда «Қироллик клуби»нинг таркиби таҳлил қилинган.
Таҳлил давомида Винисиус Жуниор, Федерико Вальверде ва Орельен Чуаменилар танқид остига олинди. Испаниялик журналистлар тилга олинган ўйинчиларнинг ҳар бирининг камчиликларини тушунтириб беришди. Уларнинг таркибдаги ўринлари катта сўроқ остида турибди.
«Жамоа терма жамоалар ўйинлари учун танаффусга йўл олмоқда ва ҳали ҳам Винидан ўзининг энг яхши сифатларини кўрсатишини кутмоқда. Мадрид дербисида Винисиус деярли ҳеч нарса билан ажралиб турмади, бу эса унинг асосий таркибдаги ўрни бўйича мунозараларни янада кучайтирди.
Вальверде ва Чуамени «Реал»га янгича ҳеч нарса бера олишмаяпти. Иккаласи ҳам жисмоний кучга эга, прессинг қилишни ва ҳудудларни самарали ёпишни билишади, аммо ҳужумларни ташкил қилишда янги ғояларни таклиф эта олишмайди. Уларга ўйинни ташкиллаштириш масъулияти юкланганида, натижа олдиндан маълум бўлиб қолади: тўп бир футболчидан бошқасига ўтади, аммо ҳужум деярли ривожланмайди», — дейилади мақолада.
